"Сабап, майып кылып салышкан". Укук коргоочу карындашын коргогон баланын иши тууралуу
Нарын облусунда 22 жаштагы бала карындашын коргойм деп катуу сабалган. Балдардын укуктарын коргоо лигасынын директору Назгүл Турдубекова ошол жигиттин ишин ички иштер министри Улан Ниязбеков өз көзөмөлүнө алсын деп кайрылуу жасады.
"Ички иштер министрине кайрылам. 15 жаштагы карындашын коргоого алганы үчүн жигитти бир топ балдар сабап, майып кылып салышкан. Алардын колдорунда арматура болгон. Андан эптеп аман калган. Дене табы түшпөй жатат, жаракаттары көп. Медициналык экспертиза болсо анын денесинен жеңил жаракат алган деген бүтүм чыгарган. Апасы балдарын жалгыз тарбиялаган.
Бул ишти ички иштер министри жеке көзөмөлүнө алышы керек. Апасы уулунан айрылып кала жаздады. Буга чейин Нарын шаарынын өспүрүмдөрү жана жаштары рэкетчиликтен, зордук-зомбулуктан коргоо үчүн жардам сурап кайрылышкан. Нарын аймагындагы азыркы криминалдык кырдаалга ким жооп берет?", - деп жазган Турдубекова.
