Кыргыз куткаруучулары тирүү адам жок деген аймактагы урандыдан 3 адамды аман алып чыгышты
Түркияда жер титирөөдөн 13 күн өткөндөн кийин кыргыз куткаруучулары 3 адамды тирүү табышты. ӨКМнын маалымат кызматынан кабарлашкандай, адамдар 6 кабаттуу үйдүн алдында калып калышкан.
Хатай облусунун Антакья шаарындагы бөлүнгөн тилкеде дээрлик 100 пайызга тирүү адам калган эмес дешкен. Бирок кыргыз куткаруучулары 3 адамды 13 күндөн кийин тирүү куткарып калышты.
Урандынын астында калган жаран менен сүйлөшүүгө аракет кылган куткаруучулар ал жакта жалпы 5 адам бар экендигин айткан. Натыйжада куткаруучулар 1 саат аралыгында бир үй-бүлө мүчөлөрүн толугу менен куткарып чыгышкан.
Алдын ала маалымат боюнча 40 жаштагы эркек 30-35 жаш чамасындагы аял киши (жубайы), 12 жаштагы уулун тирүү сактап калышты. Ал эми 18 жаштагы кыз, 7-10 жаштагы бала каза болуп калган.
