Бүгүндөн тартып мас абалда унаа айдагандарга олчойгон айып салынат
Бүгүндөн тартып мас абалда унаа башкарган айдоочуларга күчөтүлгөн чаралар колдонулат. Бул туурасында Милициянын кайгуул кызмат башкармалыгы эскертти.
Укук бузуулар жөнүндө кодекстин 193-беренесине киргизилген өзгөртүүлөргө ылайык:
- алкоголь, баңгизат же психотроптук заттардын таасири астында унаа айдаган жарандарга 80 миң сом айып пул салынып, транспорт каражатын башкаруу укугунан 2 жылдык мөөнөткө ажыратуу каралган;
- айдоочунун мас экенин аныктоо үчүн медициналык күбөлөндүрүүдөн баш тарткан учурда 100 миң сом айып пул салынат жана унаа айдоо укугунан 3 жылдык мөөнөткө ажыратылат.
Белгилесек, мас абалда унаа айдагандардын жазасын катаалдаткан мыйзамга Садыр Жапаров кол койгон.
Башкы беттеги сүрөт иллюстрациялык.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/18066
