Кегетиде сууга аккан 12 жашар кыздын жансыз денеси табылды (видео)
346
Чүй облусунун Кегети капчыгайында бүгүн, 23-июнда унаа жардан кулап, сууга түшүп кетти. Алдын ала маалымат боюнча, унаанын ичиндеги эки бала сууга агып кеткен.
Өзгөчө кырдаалдар министрлигинин Чүй облустук башкармалыгынан билдиргендей, издөө-куткаруу иштери саат 11:23тө башталып, жалпы 25 куткаруучу тартылган.
2014-жылы туулган М.У. аттуу кыздын жансыз денеси куткаруучулар тарабынан табылып, туугандарына өткөрүлдү. Ал эми 2020-жылы туулган М.У. аттуу баланы издөө иштери уланууда.
Буга чейин унаанын тормозу иштен чыгып, сууга түшүп кеткени айтылган. Күбөлөр унаанын ичинде 4 адам болгонун, алардын экөө чоңдор экенин, алар суудан чыгууга үлгүрүшкөнүн билдиришкен.
Башкы беттеги сүрөт видеодон алынган кадр.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/18088
