Президент Садыр Жапаров "Дордой" базарына келип, соодагерлер менен жолукту

Бүгүн, 5-декабрда "Дордой" базарында ишкерлердин жолугушуусу пландалган. Бирок көп өтпөй эле президенттин келери күтүлүп жатканы белгилүү болду.

Анда "Дордой" базарынын негиздөөчүсү Аскар Салымбеков жыйналган соодагерлерди маданияттуу болууга чакырды.

Садыр Жапаров келе электе чогулган базардын соодагерлери менен Салык кызматынын жетекчисинин орун басары Исламбек Кыдыргычев сүйлөшүүгө аракет кылып, бирок жарандар андан патенттерин калтырууну суранышкан. Алар мындан башка эч нерсе талап кылбай турганын айтышты.

Белгиленген мөөнөттө президент Садыр Жапаров келип, ишкерлер алдына сүйлөдү.