Жергиликтүү бийлик тойлорду, маркумдарды эскерүү иш-чараларын жөнгө салууга укук алышты
Садыр Жапаров "Жергиликтүү мамлекеттик администрация жана жергиликтүү өз алдынча башкаруу органдары жөнүндө" мыйзамга өзгөртүүлөрдү киргизди. Ага ылайык, жергиликтүү бийлик органдары тойлордо, маркумду узатуу зыйнаттарында жана башка иш-чараларда ашыкча чыгымдарды чектөөгө укук алышты.
Негизги пункттар:
- Жергиликтүү өз алдынча башкаруу жөнүндөгү мыйзамдан жергиликтүү курултайлар жөнүндөгү жоболор, анын ичинде алардын ишин жөнгө салуучу берене алынды. Курултай маселелери эми өзүнчө мыйзам менен жөнгө салынат.
- Жергиликтүү өз алдынча башкаруу органдарына (айыл өкмөтү, мэрия) мыйзамга ылайык үй-бүлөлүк жана маркумдарды эскерүү иш-чараларын жөнгө салууну жеңилдетүүгө ыйгарым укуктар берилди.
- Айыл аймактардагы калктуу конуштарга айыл башчы кызматын айыл өкмөттүн башчысынын чечими менен киргизилери ачык айтылды.
Мыйзам расмий жарыялангандан 10 күндөн кийин күчүнө кирет.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/18387
