Токмокто чай ичкен чыны менен аялын көгала кылып урду деген киши кармалды
15
Токмокто аялын чыны менен уруп, денесине залал келтирди деген киши кармалды. Чүй ОИИББден кабарлашкандай, келиндин жакыны арыз менен укук коргоо кызматкерлерине кайрылган.
Такталгандай, 10-июлда А.А. аттуу келинди жолдошу А.С. чай ичкен чыны менен уруп, жаракат келтирген. Келин күйөөсүнө карата арыз-доосу жок экендигин билдирген. Ал эми анын тууганы зомбулук фактысы боюнча арыз менен кайрылган.
Зомбулукка кабылды делген келиндин интернетке тараган сүрөтү.
Аялына кол көтөргөн кишиге 73-берене (үй-бүлөлүк зомбулук) боюнча протокол түзүлүп, Токмок ШИИБдин убактылуу кармоочу жайына киргизилди. Келинге коргоо ордери берилди.
Учурда окуянын бардык жагдайларын объективдүү аныктоо максатында соттук-медициналык экспертиза дайындалып, тиешелүү изилдөөлөр жүргүзүлүүдө.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/18330
