Кыргызстанга Жан-Клод Ван Даммдын келиши күтүлүүдө
Белгилүү актёр Жан-Клод Ван Даммдын Ысык-Көлдөгү "Формула-1 H2O" жарышына келиши күтүлүүдө. Бул тууралуу Кыргызстандын суу-мотордук федерациясынын президенти Айбек Абылкасымов билдирди.
Федерациянын жетекчилиги ошондой эле дүйнөгө таанымал Джеки Чан да чакырылганын билдирди.
"Биз бир нече жолу чакыруу жөнөттүк. Иш графигинин тыгыздыгынан улам анын катышуусу белгисиз болууда. Маселе дагы эле каралууда. Биз күтүп жатабыз. Азырынча эч кандай кепилдик бербейбиз", - деди ал.
Анын айтымында, футболчу Криштиану Роналду да чакырылган. Бирок ал катышуусун тастыктаган эмес.
"Бирок актёр Жан-Клод Ван Даммдын келиши күтүлүүдө - ага Мадридден учак алдын ала брондолгон", - дейт Абылкасымов.
Белгилей кетсек, Formula 1 H2O Grand Prix of Kyrgyzstan – Issyk-Kul 2026 иш-чарасы 31-июлдан 2-августка чейин Ысык-Көл районундагы Бает айылында өтөт.
