Шайлоого катышкан кызматкерлердин 1 күндүк эмгек акысы сакталат

Президент Садыр Жапаров "Мамлекеттик пенсиялык социалдык камсыздандыруу жөнүндө" мыйзамына өзгөртүүлөрдү киргизүү жөнүндө" мыйзамга кол койду.

Мыйзамдын максаты - жумуш күнүнө (шаршембиге) туш келген шайлоо күнүндө жарандардын шайлоо укуктарын ишке ашыруусун камсыз кылуучу укуктук механизмди белгилөө болуп эсептелет.

Тема боюнча:

Президенттик шайлоонун датасы өзгөрүшү мүмкүн

Мыйзам менен Эмгек кодексине жана "Мамлекеттик пенсиялык социалдык камсыздандыруу жөнүндө" мыйзамга төмөнкүлөрдү караган өзгөртүүлөрдү киргизүү сунушталат:

• Кыргыз Республикасынын президентин жана Жогорку Кеңештин депутаттарын шайлоодо добуш берүү күнү дем алыш күнү болуп саналат;
• кызматкер добуш берүүгө катышкандыгы тастыкталган шартта ошол күн үчүн 1 күндүк орточо эмгек акысы сакталат;
• жарандардын добуш берүүгө катышкандыгы тастыкталган учурда Министрлер кабинети тарабынан аныкталуучу тартипте кошумча жеңилдиктерди жана артыкчылыктарды берүү каралышы мүмкүн;
• жарандардын президенттик жана парламентти шайлоодо добуш берүү күнү камсыздандыруу стажына кошулат.

Мыйзам расмий жарыяланган күндөн тартып күчүнө кирет.

Башкы беттеги сүрөт иллюстрациялык.