Кыргызстан менен Азербайжандын кызматташтыгы боюнча документтерге кол коюлду

Азербайжандын президенти Ильхам Алиевдин Кыргызстанга болгон сапарынын алкагында кызматташтыкты мындан ары бекемдөөгө багытталган эки тараптуу документтерге кол коюлду.

1 из 2

• эл аралык автомобиль каттамдары жөнүндө макулдашуу;
• энергетика жаатындагы кызматташтык боюнча 2026-2027-жылдарга карата жол картасы;
• 2024-2029-жылдарга кызматташуу программасын ишке ашыруу боюнча жол картасы;
• 2022-жылдын 11-октябрындагы Азербайжан-Кыргыз өнүктүрүү фондун түзүү жөнүндө макулдашууга өзгөртүүлөрдү киргизүү тууралуу экинчи кошумча макулдашуу;
• жүк ташуу, кеме жүрүшү жана кеме куруу жаатындагы кызматташтык жөнүндө өз ара түшүнүшүү тууралуу меморандум;
• статистика жаатындагы кызматташтык жөнүндө өз ара түшүнүшүү тууралуу меморандум;
• киберкоопсуздук тармагындагы өз ара түшүнүшүү тууралуу меморандум;
• Ош шаары менен Гянжа шаарынын (Азербайжан) ортосунда кызматташтыкты жана боордош шаарлар байланышын түзүү жөнүндө өз ара түшүнүшүү тууралуу меморандум;
• Каракол шаары менен Габала шаарынын (Азербайжан) ортосунда өз ара кызматташтык жана боордош шаарлар байланышын түзүү жөнүндө меморандум;
• Чолпон-Ата шаары менен Шуша шаарынын (Азербайжан) ортосунда өз ара түшүнүшүү тууралуу меморандум;
• мунай жана мунай продуктуларын жеткирүү тармагындагы кызматташтык жөнүндө өз ара түшүнүшүү тууралуу меморандум;
• өлкөнүнмФинансы рыногун жөнгө салуу жана көзөмөлдөө кызматы менен Азербайжандын Борбордук банкынын ортосунда кызматташтык жөнүндө меморандум;
• "Кыргызалтын" ачык акционердик коому менен "АзерГолд" жабык акционердик коомунун ортосунда кызматташуу жана өз ара аракеттенүү жөнүндө өз ара түшүнүшүү тууралуу меморандум.