Ысык-Көлдө " Формула-1 H2O" мелдеши жыйынтыкталды
Ысык-Көлдө өткөн F1H2O суу-мотор спорту боюнча дүйнө чемпионаты салтанаттуу жыйынтыкталды. Иш-чарага Министрлер кабинетинин төрагасы Адылбек Касымалиев катышты.
Ал өз сөзүндө Кыргызстан суу-мотор спорту боюнча дүйнөлүк борборго айланганын айтты.
"Биз Кыргызстан ири эл аралык иш-чараларды жогорку уюштуруу деңгээлинде өткөрүүгө жөндөмдүү экенин көрсөттүк", – деп белгиледи Касымалиев.
Адылбек Касымалиев жарыштын жеңүүчүлөрүн жана байге ээлерин куттуктап, бардык катышуучуларга жаңы жетишкендиктерди, коопсуз старттарды жана жаркын жеңиштерди каалады.
Сөзүн жыйынтыктап жатып, ал Кыргызстан эл аралык спорттук инфраструктураны өнүктүрүүнү, дүйнөлүк деңгээлдеги мелдештерди өткөрүүнү жана спорттук туризмди, экономиканы жана эл аралык кызматташтыкты өнүктүрүүнүн натыйжалуу куралы катары пайдаланууну улантаарын баса белгиледи.
Андан соң "Кыргызстан – Ысык-Көл 2026 Гран-приси" UIM F1H2O дүйнө чемпионатынын жеңүүчүлөрүн сыйлоо аземи болуп өттү.
