Бишкекте жер алдындагы өтмөктөрдүн курулушуна байланыштуу бир нече көчөгө чектөө кирет

Бишкекте жер алдындагы 6 өтмөк курулат. Буга байланыштуу 5-августтан баштап айрым жол тилкелеринде этап-этабы менен чектөөлөр киргизилет. Бул тууралуу Бишкек мэриясынын басма сөз кызматы маалымдады.

Жер алдындагы жаңы өтмөктөр төмөнкү аймактарда курулат:

• Анкара көчөсүндө "Глобус" соода борборунун жанында;
• Ауэзов көчөсүндө, Аламүдүн кичи районундагы №59/2 үйдүн алдында;
• 7-Апрель жана Ой-Терскен көчөлөрүнүн кесилишине жакын жерде;
• Байтик баатыр көчөсүндө курулуп жаткан мечиттин жанында;
• Анкара көчөсүнүн дагы бир тилкесинде;
• Нуркамал жана Аалы Токомбаев көчөлөрүнүн кесилишинде.

Курулуш иштери бекитилген графикке ылайык этап-этабы менен жүргүзүлөт. Бул мезгилде Бишкек мэриясы тургундардан жана коноктордон убактылуу чектөөлөргө түшүнүү менен мамиле кылууну, маршруттарын алдын ала пландаштырууну суранат.