Россияда киллер жаза басып туура эмес адамды атып салган
Сот Воронеждик ишкердин ордуна уулун жаңылыштык менен өлтүргөн киллерди 13 жылга эркинен ажыратты. Бул тууралуу Mediazona порталы Тергөө комитетинин аймактык бөлүмүнө шилтеме берүү менен жазат.
Воронеж облустук соту Воронеж ишкеринин ордуна уулун жаңылыштык менен өлтүргөн 61 жаштагы москвалыкты катуу режимдеги колонияда 13 жылга эркинен ажыратты.
Тергөөнүн версиясы боюнча, москвалыкка ишкерди өлтүрүү үчүн 1 миллион рубль убада кылынган. 2020-жылы февралда 100 миң рубль алдын-ала төлөп, ишкердин дачасына келди. Дарбазадан жеңил унаа чыгып, киллер айдоочуга кеминде алты жолу ок чыгарган. Көрсө, ишкердин 23 жаштагы уулу унаа айдап жүргөн экен. Ал ошол жерден көз жумган.
Кол салган адам машинасын айдап, токойго куралын ыргытып жиберген, бирок кол кабын таштап кеткен. Ал Москвада жашынып жүргөн жеринен кармалып, күнөөсүн мойнуна алды.
Ага карата жалданып адам өлтүрүү (Кылмыш-жаза кодексинин 105-беренесинин 2-бөлүгүнүн "з" пункту), курал-жарак сактоо (Кылмыш-жаза кодексинин 222-беренесинин 1-бөлүгү) жана жарылуучу зат (222.1-беренесинин 1-бөлүгү) беренелери боюнча кылмыш иши козголгон).
Сот адам өлтүрүүнү уюштуруучунун жана анын шеригинин, ошондой эле киши өлтүргүчтү жашырган адамдын иштерин кароону улантууда.
