Президент Садыр Жапаров ЖККУнун Башкы катчысы Станислав Засьты кабыл алды
RU

Президент Садыр Жапаров ЖККУнун Башкы катчысы Станислав Засьты кабыл алды

Все самое интересное в Telegram

Кыргыз Республикасынын Президенти Садыр Жапаров бүгүн, 1-сентябрда, Жамааттык коопсуздук келишими уюмунун (ЖККУ) Башкы катчысы Станислав Засьты кабыл алды. Мындай маалыматты президенттин аппаратынын маалымат бөлумү таратты.

Белгилүү болгондой, тараптар уюм алкагында өз ара аракеттенүүнүн, регионалдык коопсуздукту жана туруктуулукту камсыздоонун актуалдуу маселелерин ошондой эле, Душанбе шаарында өтө турган ЖККУ саммитин талкуулашты.

Президент Садыр Жапаров Кыргызстан ЖККУ алкагында ага мүчө мамлекеттер менен кызматташтыкка чөлкөмдөгү коопсуздуктун гаранты катары өзгөчө маани берерин белгиледи.

Анын айтымында, Уюм жоопкерчилигинин аймагындагы коркунуч деңгээлинин өсүшү тыгыз өз ара аракеттенүүнү талап кылат. Тобокелдиктерди нейтралдаштырууга жана зарыл болгон учурда ыкчам реакция кылуу даярдыгынын жогорку деңгээлин кармап туруу зарыл.

Өз кезегинде, Станислав Зась Садыр Жапаров менен жолугушууну канааттануу менен белгилеп, анын Борбордук Азия регионундагы кырдаалга байланыштуу зарылдыгын билдирди.

Мындан сырткары, Башкы катчы учурдан пайдаланып, Президентти Кыргызстандын көз карандысыздыгынын 30 жылдыгы менен куттуктап, ийгилик, өлкө элине гүлдөп өнүгүү каалады.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60(Бишкек)
url: https://kaktus.kg/3318