Афганистандыктар азык-түлүккө акча таппай кыздарын сатууга аргасыз
RU

Афганистандыктар азык-түлүккө акча таппай кыздарын сатууга аргасыз

Все самое интересное в Telegram

Сууктун түшүшү жана кургакчылык Афганистанда азык-түлүк каатчылыгын

жакындатууда. Бул тууралуу Бириккен Улуттар Уюмунун (БУУ) эксперттери "Би-Би-Сиге"

билдирди.

"Оогандыктардын 95% тамак-аш таба албай кыйналып жатат. Биз болсо жөн гана карап

турабыз. Кийинки алты айда Афганистанда Жердеги тозок башталат", - деди БУУнун Дүйнөлүк азык-түлүк программасынын Кабулга барып келген аткаруучу директору Дэвид Бисли.

Ал эл аралык коомчулукту күнөөсүз адамдарды ачкачылыктан сактап калууга чакырды.

"Биз жаш балдардын ачкадан өлүүсүнө мүмкүндүк берип жатабыз. Бул уят. Алардын кайсыл жерде экенине карабастан, жардам беришибиз керек", - деди Бисли.

Август айынан бери батыш өлкөлөрү жардам катары Афганистанга азык-түлүк жана дарыдармек жеткирүүнү токтоткон. Бүгүнкү күндө Кабулдан 50 чакырым алыстыкта жайгашкан Вардак провинциясында жүздөгөн киши унга кезек күтүп турат. Бул БУУнун Дүйнөлүк азык-түлүк программасы жеткирген жардамдын калдыгы.

"Кыш келип калды. Нан жабууга ун жок калса кыштан кантип чыгарымды билбейм", – деди кезекте турган улгайган тургун. Буга чейин айрым ооганстандыктар азык-түлүккө акча таппай, кыздарын сатууга аргасыз болуп жатканы кабарланган.

2021-жылы августта эл аралык күчтөр Афганистандан аскерлерин чыгарып кеткенден кийин өлкөдөгү бийликти "Талибан" кыймылы басып алган. Алар кыз-келиндердин билим алуусуна тыюу салып, адамдарды эл алдында өлүм жазасына тартуу, анын ичинде уурулук үчүн манжасын кесүү жазаларын кайра киргизишкен. Бүгүнкү күндө талибдердин режимин дүйнөдөгү бир да өлкө расмий түрдө тааный элек.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60(Бишкек)
url: https://kaktus.kg/4260