Визажист Байнур Куштарбеков көкүрөгүнө операция жасатты
Кыргызстандык белгилүү визажист Байнур Куштарбеков Instagram баракчасына ооруканадагы, операцияга даярданып жаткан видеосун жарыялады.
Видеодо ал наркоз сайгандан кийин санап жатканын көрсөткөн.
Kaktus.media Байнурга чалып, маектешти. Ал чын эле бир-эки күн мурун операция болгонун, көкүрөгүнө операция жасалганын айтты. Аны денеге пластикалык хирургия боюнча адис хирург Нуртилек Самарбеков жасаган.
"Төшүмө операция жасалды, азыр таңылган, үйгө чыгарышты. Мен жакшымын, үйдө жатам", - дейт Байнур.
Ал белгилегендей, бул көпчүлүк ойлогондой жынысты алмаштыруу эмес. Бирок, эгер ушундай ойлошсо ага каршы эмес экенин билдирди.
"Кененирээк кийин, өзүмдү жакшы сезип калганда айтып берем", - деп кошумчалады визажист.
Эске салсак, Байнур визажисттер Гохар Аветисяндын сынагына катышып, финалисттердин бири болгон соң атактуу болгон.
