Бишкекте таштандынын тарифи жогорулады

Бишкек шаардык кеңештин депутаттары таштанды үчүн тарифти жогорулатууну жактырды. Эми шаар тургундары февраль айынан тартып таштанды үчүн жаңы тариф менен төлөй башташат.

Мэриянын токтомуна ылайык, жаңы баа төмөндөгүдөй болот:

• тиричилик керектөөчүлөр үчүн - бир адамга 41 сом (мурда 22,5 сом болчу);
• пенсионерлерге жеңилдиктери менен - бир адамга 22,5 сом;
• чарбалык субъектер үчүн - метр кубу 361 сом же тоннасына 2 430 сом (кошумча салыксыз) (мурда метр кубу үчүн 225 сом болчу);
• катуу калдыктарды өз алдынча ташуу менен алектенген субъекттер үчүн - тоннасына 445 сом (кошумча салыксыз).