Чүйдө поезддин терезелерин таш менен талкалаган балдар кармалды
17
Новопокровкада Бишкек-Балыкчы поездинин вагондорунун терезелерин талкалаган балдар аныкталды. Бул тууралуу Чүй ОИИББден кабарлашты.
Белгилесек, 27-июлда Ысык-Ата районунда белгисиз адамдар жүрүп бараткан поездге таш ыргытып, бир нече вагондун терезелерине зыян келтиришкен.
Ысык-Ата РИИБи териштирүү жүргүзүп, жыйынтыгында вагондун терезелерине зыян келтиргендер табылды. Алар Новопокровка айылынын 2007-жылы туулган К.А., 2011-жылы туулган Ж.А. жана 2009-жылы туулган С.Б. аттуу тургундары экени белгилүү болду. Өспүрүмдөр вагондун терезелерине таш ыргыткандыгын моюнга алышкан.
Сүрөт: Чүй ОИИББдин маалымат кызматы.
Учурда бардык зарыл болгон тергөө иштери жүрүп жатат, жыйынтыгы менен балдардын аракеттерине юридикалык баа берилет дешти башкармалыктан.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/18391
