Бишкек - Ош жолу көрүстөн аркылуу өтүшү мүмкүн. Россия элчилиги жооп береби?
Россиянын Кыргызстандагы элчиси Николай Удовиченко Бишкек-Ош айланма жолу Новопавловка айылындагы христиан көрүстөнү аркылуу төшөлүшү мүмкүн экенин социалдык тармактардан бир күн мурун гана билгенин маалымат жыйынында билдирди.
"Кандай болгон күндө да, биз мынчалык тез жооп бере албайбыз, анткени баарын карап чыгышыбыз керек. Мен маалыматтын ишенимдүүлүгүн жактайм. Бул камсыз кылынмайынча, тигил же бул жол менен аныктыгын текшерип, жергиликтүү бийлик жана подрядчылар кандай мүмкүнчүлүктөрдү, кандай шарттарды, кандай параметрлерди көрсөтүп жатканын көрүшүбүз керек. Андан кийин конкреттүү иш-аракеттер, конкреттүү реакция тууралуу сөз кылууга болот", - деди ал.
Эске салсак, Kaktus.media сайтынын редакциясына Сокулук районунун акими Курбанбек Айтибаевдин дарегине кат келип түшкөн. Анда сөөк коюлган жер тууралуу маалымат берүүнү суранышкан.
