Караколдо депутат "бейбаштык" беренеси менен кармалды

Ысык-Көл облусунун Каракол шаардык кеңешинин 27 жаштагы депутаты Кылмыш жаза кодексинин 280 – беренесине ("Бейбаштык") шектелип, кармалды. Бул тууралуу Ысык-Көл облустук ички иштер башкармалыгы маалымдады.

Тема боюнча:

Кайгуул кызматкери менен чырдашкан депутат Айгүл Айдарова окуянын чоо-жайын айтып берди

Шектүүнү тинтүү учурунда жанынан уруксат документи жок ок атуучу курал табылган. Милициянын кабарлашынча, ал күнөөсүн моюнуна алып, тергөө абагына камакка алынды.

15-апрелде жергиликтүү тургун аны мурда тааныш эки киши курал менен коркутуп сабаганын айтып, милицияга арыз менен кайрылган. Шаардык кеңештин депутаты ушул арыздын негизинде шектүү катары кармалган. Адвокатттары комментарий бере элек. Тергөө уланып жатканы айтылды.

Булак: "Азаттык" үналгысы