Кыргыз-Азербайжан өнүктүрүү фонду түзүлөт. Президенттер кандай документтерге кол коюшту?

Азербайжандын президенти Ильхам Алиевдин Кыргыз Республикасына мамлекеттик сапарынын алкагында кыргыз-азербайжан биргелешкен кызматташтыгын чыңдоого багытталган бир катар документтерге кол коюлду.

Ага ылайык, Садыр Жапаров менен Ильхам Алиев эки өлкөнүн Мамлекеттер аралык кеңешинин биринчи отурумунун чечимине кол коюшту.

slide 3 of 2

1 из 2

Мындан тышкары төмөнкү документтерге кол коюлду:

• Кыргыз Республикасынын министрлер кабинети менен Азербайжан өкмөтүнүн ортосундагы Кыргыз-Азербайжан өнүктүрүү фондун түзүү (штаб-квартирасы Бишкекте жайгашат) жөнүндө макулдашуу;
• Министрлер кабинети менен Азербайжан өкмөтүнүн ортосундагы өсүмдүктөрдүн карантини жаатында кызматташуу жөнүндө макулдашуу;
• Кыргыз Республикасынын Тышкы иштер министрлиги менен Азербайжандын Тышкы иштер министрлигинин ортосундагы 2023-2025-жылдарга кызматташуу программасы;
• Министрлер кабинетине караштуу Кыргыз Республикасынын Социалдык фонду менен Азербайжандын Эмгек жана калкты социалдык жактан коргоо министрлигинин ортосундагы милдеттүү мамлекеттик социалдык камсыздандыруу жаатында кызматташуу жөнүндө протокол;
• Кыргыз Республикасынын Жаратылыш ресурстары, экология жана техникалык көзөмөл министрлиги менен Азербайжандын Экология жана жаратылыш ресурстары министрлигинин ортосундагы курчап турган чөйрөнү коргоо жана өз ара түшүнүшүү жаатында кызматташуу жөнүндө меморандум;
• Кыргыз Республикасынын Соода-өнөр жай палатасы менен Азербайжан Республикасынын Чакан жана орто бизнести өнүктүрүү агенттигинин ортосундагы өз ара түшүнүшүү жөнүндө меморандум;
• Кыргыз Республикасынын Соода-өнөр жай палатасы менен Азербайжан Республикасынын Соода-өнөр жай палатасынын ортосундагы кызматташтык жөнүндө өз ара түшүнүшүү жөнүндө меморандум;
• Бишкек шаары менен Баку шаарынын ортосунда бир тууган шаар мамилелерин түзүү жөнүндө өз ара түшүнүшүү жөнүндө меморандум.

Тема боюнча:

Кыргызстан менен Азербайжандын ортосундагы биринчи жыйын тар курамда өттү