Бишкек шаарынын Биринчи Май Райондук ички иштер башкармалыгынын тергөөчүсү кармалды
2179
Бишкектин Биринчи Май районунун тергөөчүсү пара талап кылган деген шек менен кармалды. Бул тууралуу Kaktus.media редакциясына өздүк булактар билдирди.
Алардын маалыматы боюнча, бүгүн, 3-апрелде Ички иштер министрлигинин Ички иликтөө кызматынын кызматкерлери УКМКнын ыкчам кызматкерлери менен биргеликте Биринчи Май РИИБдин тергөөчүсүн кармашкан. Ал Бишкек шаарында 20 миң сом өлчөмүндө пара талап кылган деген шек менен колго түшүрүлгөн.
Алдын ала маалыматтар боюнча, тергөөчү алынган акча үчүн КР Кылмыш-жаза кодексинин "Алдамчылык" беренеси боюнча козголгон ишти жабууну көздөгөн.
Шектүү УКМКнын тергөө кызматына жеткирилген.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/11327
