Бишкекте тосмолордун дагы бир бөлүгү бузулду (сүрөт)

Бишкек шаарынын мэриясынын жер пайдаланууну көзөмөлдөө башкармалыгынын "Койша и С" ЖЧКсына ("Казакстан" мейманканасы) карата доо арызынын негизинде соттун чечими менен муниципалдык аймак бошотулду. Бул тууралуу борбор калаанын мэриясынын басма сөз кызматы билдирди.

1 из 4

Бөлүмдүн кызматкерлери "Тазалык" ишканасы менен биргеликте Жибек Жолу пр., 601 дареги боюнча тосмолорду бузуп жатат:

• шлакоблок тосмо (3х100 м);
• 2х100 м темир тор менен тосулган футбол аянтчасынын бөлүгү;
• 3x14 м өлчөмүндөгү чатыры бар жайкы ашкана;
• чатырлар (3х14 м);
• пескоблок тосмо (3x2 м).

"2021-жылдын 13-декабрында Бишкек шаарынын чарбалык иштер боюнча аткаруучусу тарабынан "Коиша и С" ЖЧКсына уруксат берилбеген объектилерди бузуу менен муниципалдык аймакты пайдаланууга тоскоолдукту өз ыктыяры менен алып салуу сунушу менен билдирүү тапшырылган. Бирок алар баш ийген эмес", - деп айтылат маалыматта.