Оштогу "Оомат" базарынын жанында ири өрт чыкты
Ош облусунун Кара-Суу шаарындагы "Оомат" базарынын жанында ири өрт чыкты. Окуя болгон жерден тартылган видео социалдык тармактарга жарыяланды.
Өрт базардын четиндеги эки кабаттуу үйдөн 28-майда түштөн кийин чыккан. Биринчи өрт өчүрүү кызматы саат 14:04тө, экинчиси саат 14:14тө келген. Бир аз убакыт өткөндөн кийин үчүнчү өрт өчүрүү бригадасы тартылган.
Видеого караганда, токтоп турган унаалар өрт өчүрүү кызматынын унааларынын өтүшүнө тоскоол болгон. Буга байланыштуу адамдар унааларды өз колдору менен түртүшкөн.
Өрт саат 15:05те курчоого алынып, саат 20:43тө толугу менен өчүрүлдү. Өрттүн жалпы аянты 1044 м² түзөт. Жабыркагандар жок. Өрттүн келип чыгуу себептери иликтенип жатат.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/12584
