Мэрия Абдрахманов - Киев көчөсүндөгү аялдама кандай болорун көрсөттү (эскиздер)
Учурда Бишкек шаарынын Ю.Абдрахманов жана Киев көчөлөрүнүн кесилишиндеги коомдук аялдама демөөрчүлөрдүн каражаттарынын эсебинен реконструкцияланууда. Бишкек шаарынын мэриясынын басма сөз кызматы келечектеги аялдаманын эскиздерин көрсөтүп, анын курулушун ким каржылап жатканы тууралуу маалымат берди.
Долбоорго ылайык, ал ысык мезгилде кондиционер, кышында жылытуу системасы бар жабык аялдама павильону болот. Ошондой эле коомдук транспорттун маршрутунун декоративдик сүрөтү, жарнак жарык кутусу жана маалымат LED экраны да каралган.
Аялдамага ондогон метр радиуста "Коопсуз шаар" камералары орнотулат. Wi-Fi, мүмкүнчүлүгү чектелгендер үчүн пандус жана башка шарттар түзүлөт.
Долбоор Биринчи май районунун мэриясы менен "Бакай Банк" ААКтын ортосундагы келишимдин негизинде ишке ашырылууда.
