Бишкекте батирден өрт чыгып, үй ээси күйүк алды

Бишкектеги көп кабаттуу үйдөгү батирден өрт чыгып, кожоюну күйүк алды. Бул туурасында Өзгөчө кырдаалдар министрлигинен билдирити.

Маалым болгондой, 1-июнь күнү Свердлов районунун А.Сүйүмбаев көчөсүндө жайгашкан батирде өрт чыккан. Жерине саат 15:21де 1 күжүрмөн эсеп тартылып, өрт саат 15:44тө толугу менен өчүрүлдү.

Өрттүн кесепетинен балкондо турган 2 чарчы метр кышки кийимдер күйгөн. Ал эми үй ээси эки колунан (чыканактан ылдый) болжол менен 10-15% күйүк алып, "Тез жардам" менен №4 шаардык ооруканага жеткирилди. Учурда өрттүн келип чыгуу себеби такталууда.