Ошто балдар жана карылар үйүндө өрт чыкты
Ош шаарындагы "Боорукердик" үйүндө өрт чыкты. ӨКМнын маалыматына караганда, жабыркагандар жок.
Такталгандай, Кара-Суу районунун Дыйкан-Кыштак айылынын Фергана көчөсүндөгү имараттан 2-июль күнү саат 19:36да өрт чыккандагы тууралуу маалымат түшкөн.
Өрткө каршы куткаруу бөлүгүнөн 2 күжүрмөн эсеп тартылып, саат 19:50дө чектөөгө алынган өрт саат 21:11де толук өчүрүлгөн.
Өрттүн кесепетинен жалпы аянты 399 чарчы метр болгон Ош шаардык "Боорукердик" үйүнүн 198 чарчы метр аянты, 3 шкаф, 4 матрац, пианино, телевизор жана 10 даана отургуч күйгөн.
Учурда өрттүн келип чыгуу себеби такталууда.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/13202
