Садыр Жапаров менен Айгүл Жапарова Монголияга учуп кетишти

Бүгүн, 9-июлда Садыр Жапаров Монголиянын президенти Ухнаагийн Хурэлсухтун чакыруусу менен мамлекеттик сапар менен Улан-Батор шаарына учуп кетти. Бул тууралуу президенттик аппараттан кабарлашты.

Мамлекеттик визиттин алкагында Садыр Жапаров Монголиянын президенти Ухнаагийн Хурелсух, премьер-министр Лувсаннамсрейн Ойун-Эрдэнэ, Жогорку Кеңештин төрагасы Гомбожавин Занданшатар менен эки тараптуу сүйлөшүүлөрдү өткөрөт.

Ошондой эле башка бир катар жогорку деңгээлдеги иш-чаралар жана өнөр жай ишканаларына баруу пландаштырылган.

Кыргызстандын расмий делегациясынын курамында:

• Айгүл Жапарова - президенттин жубайы;
• Жээнбек Кулубаев - тышкы иштер министри;
• Эдил Байсалов - Министрлер кабинетинин төрагасынын орун басары;
• Муратбек Азымбакиев - Президенттик аппараттын тышкы саясат бөлүмүнүн башчысы;
• Айбек Артыкбаев - Кыргызстандын Монголиядагы элчиси;
• Алтынбек Максүтов - Маданият, маалымат, спорт жана жаштар саясаты министри;
• Тилек Текебаев - Транспорт жана коммуникациялар министри;
• Данияр Амангелдиев - Экономика жана коммерция министри;
• Умбриэль Темиралиев - Президентке караштуу Улуттук инвестиция агенттигинин директору;
• Эмилбек Абдыкадыров - Бишкек шаарынын мэри;
• Самат Насирдинов - Айыл чарба министринин орун басары;
• Эмил Осмонбетов - Жаратылыш ресурстар, экология жана техникалык көзөмөл министринин орун басары.