Бишкекке жакын жерге жаңы район курулат. Долбоордун өзгөчөлүгү жана жагымдуу шарттары
Бишкектен 20 мүнөттүк алыстыкта - Шопоков шаарында инфраструктурасы өнүккөн жана жаңы технологиялары бар бир нече турак жай комплекстеринин жаңы аймагы курулат.
Долбоор "Шопоков Эко Сити" деп аталып, аны "Дөөлөт курулуш" курулуш компаниясы ишке ашырууда. 21-июлда объекттин курулушуна капсула салуу иш-чарасы жана долбоордун бет ачары болду.
"Шопоков Эко Сити" долбоорунун уникалдуулугу
"Дөөлөт курулуш" компаниясынын өнүктүрүү боюнча директору Бакай Оморов Kaktus.media сайтына "Шопоков Эко Сити" долбоорунун уникалдуулугу – бул адам менен табияттын гармонияда жашоосунун үлгүсү катары иштелип чыкканын айтат.
Оморов белгилегендей, курулуш компанияны көп кабаттуу үй куруп, батирлерди сатып, пайда табуу максатында чакан жер тилкелери кызыктырган эмес. Алардын пландары кыргыз элине ыңгайлуу жашоо-шартты камсыз кылуу жана бизнести өнүктүрүү үчүн жагымдуу шарттарды түзүү үчүн масштабдуу нерсени куруу болгон. Ал эми Бишкекте турак жай комплекстери жетиштүү курулгандыктан, алар Шопоков шаарына токтолушкан.
Белгилей кетсек, Шопоков шаары өзүнүн кооз жаратылышы менен белгилүү. Шаарга жакын жерде Белогорка капчыгайы жайгашкан, ал активдүү эс алуу жана эко-туризм үчүн мүмкүнчүлүктөрдү түзөт. "Шопоков Эко Ситинин" авторлору өз долбоорунда жаратылыштын бул кооздугун түбөлүккө калтырууну көздөшүүдө.
Курулуш үчүн жерди Шопоков мэриясы бөлүп берген.
"Шопоков шаарынын башкы планы жаңы эле каралып баштаган. Ага ылайык, бизге берилген аймакка көп кабаттуу курулуштар пландалып жатат. Бул шаардык буюртма. Муниципалитет жер бөлүп берет, биз батир беребиз. Бул өзүнчө кичи район болот", - деди Бакай Оморов.
Долбоордун артыкчылыктары - куруучулар ар бир метрди коммерциялык пайда үчүн колдонууну максат кылбайт. Жалпы аянты 8,5 га болгон аянттын 23%ы гана турак жай курууга, 77%ы жашылдандырууга жана көрктөндүрүүгө бөлүнөт.
"Шопоков Эко Ситинин" тургундарына жагымдуу болгон жашыл зоналар (сейил бактар жана скверлер), велосипед жана чуркоо жолдору курулуп, ошондой эле сергек жашоого жана активдүү эс алууга шарт түзүлөт. Мэрия "Шопоков Эко Сити" турак жай комплексинен бир нече кадам аралыкта эле мектеп, бала бакча жана медициналык мекемелерди курууну пландаштырууда. Долбоор энергияны эффективдүү пайдалануу, таштандыларды жана суу ресурстарын башкаруу, ошондой эле энергиянын кайра жаралуучу булактарын интеграциялоо үчүн заманбап технологияларын колдонууну карап жатат", - деди өнүктүрүү боюнча директор.
Долбоорго ылайык, аталган аймакта 2296 батирлүү 14 кабаттуу 4 комплекс курулат. Бул монолиттүү үйлөр болот, алар туннелдик опалубка ыкмасы менен бир эле учурда дубал менен шып куюлганда тургузулат. Бул объекттердин сейсмикалык туруктуулугуна кепилдик берет.
"Ошондой эле биз Кыргызстанда биринчилерден болуп аймактагы сейсмикалык активдүүлүктүн ар кандай түрлөрүн деталдуу изилдөөгө буйрук бердик", - деди Оморов.
Кошумчалай кетсек, "Дөөлөт курулуш" компаниясы бул шаардын тургундарын Бишкекке чейин үзгүлтүксүз каттай турган заманбап электр автобустары менен камсыз кылууну убада кылууда.
Ар бир комплекстин төмөнкү кабаттарында коммерциялык жайлар гана эмес, балдарды өнүктүрүү үчүн билим берүү борборлору да болот. Мындан тышкары кичинекей тургундардын эс алуусу үчүн комплекстин аймагында заманбап горкалар жана селкинчектер менен жабдылган бир нече оюн аянтчалары болот.
Комплекстин өзгөчөлүгү - балдардын сууда профессионалдык деңгээлде сүзүүсү үчүн олимпиадалык бассейндин курулушунда.
Комплекс шаардык канализацияга кошулат, бирок ичүүчү сууга жетүү үчүн аймакта өзүнүн скважинасы да болот. Кошумчалай кетсек, комплекстин жанынан чоң магистралдык газ түтүгү өтүп, үйлөрдү газ менен жылытуу каралган.
Сатып алуу үчүн жагымдуу шарттар
Курулуш компаниясынан билдиришкендей, кардарлар үчүн шарттардын артыкчылыктары төмөнкүдөй.
- 10 жылдан 15 жылга чейин узак мөөнөткө бөлүп төлөө. Кыргызстанда мындай мөөнөткө батирди бөлүп төлөө шарты менен алуу дээрлик мүмкүн эмес. Мындан тышкары компания кардар менен түздөн-түз иштешет, ортомчу банктык кызмат көрсөтүүлөр, пайыздарды жогорулатуу болбойт. Бир гана нерсе - кардарлар эсебин толуктоо аркылуу төлөм жүргүзө алышат. Болгону паспортту жана жубайлардын жазуу жүзүндөгү макулдугун берүү менен бөлүп төлөөгө мүмкүнчүлүк аласыз.
- Алдын ала төлөм жок. Батирдин акчасын пайдубал тургузулуп баштагандан тарта төлөй баштасаңыз болот. Бул үй-бүлөлүк бюджеттин жүгүн бир кыйла жеңилдетет жана жаш үй-бүлөлөргө чоң акча топтобой эле өз алдынча турак жай сатып алуусуна мүмкүнчүлүгүн берет.
- Даяр ремонт. Жасалгалоо иштери менен сатып алуучу өзү алектенип, энергиясын, ден соолугун, эң негизгиси каражатын коротпойт. Курулуш компаниясы буга кам көрүп, батир ээлерине дизайндын бир нече түрүн тандоону сунуштайт: классикалык, этникалык жана смарт. Мунун баары батирдин баасына жана бөлүп төлөө шарттарына кирет.
Батирлердин баасы - чарчы метрине 750 доллардан. Компания курулушту беш-алты жылдын ичинде бүтүрүүнү пландап жатат, бирок бардык объектилерди этап-этабы менен өткөрүп бермекчи. Биринчи блокту уч жылдын ичинде пайдаланууга берүү убадаланууда.
