Ошто 40 градус. Өлкө боюнча бир жумага карата аба ырайы

Жайдын ысык аптабы шаар жашоочуларын капалантса, Ысык-Көлдүн абасынын температурасынын көтөрүлүшү жергиликтүү эс алуучуларды кубандырып жаткан кези. Мындай аба ырайы канчага чейин кармалат? Кыргызгидромет алдыдагы аптада аба ырайы кандай болору тууралуу маалымат менен бөлүштү.

Кыргызстанда 24-июлдан 30-июлга чейин күндүн ысыгы сакталат.

Бишкекте жума ичинде жаан-чачын болбойт. 25-июлда күн 39 градуска чейин ысыйт. 27-июлда батыштан соккон шамалдын ылдамдыгы секундасына 14 метрге жетет.

Чүй

Апта ичинде күндүз тоолуу райондордо өткүн өтүп, жаан жаайт. Бирок, күндүн ысыгы 38-39 градуска чейин жетет.

Талас

24-30-июлда жаан-чачын болбойт. Абанын күндүзгү температурасы 35-37 градус болот.

Ош

24-30-июлга чейин күндүз тоолуу райондордо өткүн өтүп, күн күркүрөйт. 27-июлда күн 40 градуска чейин ысыйт.

Жалал-Абад, Баткен

Жума ичинде күндүз тоолуу райондордо өткүн өтүп, күн күркүрөйт.

Ысык-Көл

Бул облуста дагы жума ичинде күндүз өткүн өтүп, күн күркүрөйт. Күн 33 градуска чейин ысыйт.

Нарын

Облуста жума ичинде айрым аймактарда өткүн өтөт. Күн 35 градуска чейин ысыйт.