Комузчу Азиз Батыров кызмат ордунан көтөрүлдү
Комузчу, дастанчы Азиз Батыров И.Арабаев атындагы КМУнун Маданий-эстетикалык борборунун жетекчиси болуп дайындалды. Бул тууралуу ырчы менен кабарлашканыбызда белгилүү болду.
Азиз Батыров аталган университеттеги ишин катардагы мугалимден баштаган.
"Окуу жайдын искусство жана дизайн факультетинде 6 жыл катардагы мугалим, андан кийин декандын орун басары болуп иштедим. Быйыл университеттин Маданий-эстетикалык борборунун жетекчиси болуп дайындалдым. Буюрса, анча-мынча бут тосууларга, тоскоолдуктарга ак эмгегим менен жооп кылам. Дагы да күчтөнөм, талыкпай иштей берем", - деди дастанчы.
Эскерте кетсек, Азиз Батыров "Алтын үн" наамынын ээми, маданияттын мыкты кызматкери. Эл аралык кароолордо Кыргызстандын желегин желбиретип келет. Андан сырткары "Ынтымак" тобун жетектеп, жаш шакирттерди тарбиялайт.
