Бишкекте дүкөндөн 5 миллион сомду түзгөн ноутбук, телефондор уурдалган. Видео
Бишкекте уурулукка шектүүлөр кармалды. Бул тууралуу Бишкек ШИИБден билдиришти.
13-октябрда Свердлов РИИБге жаран кайрылып, белгисиз адамдарга карата чара көрүүнү суранган. Анда 13-октябрга караган түнү Чүй проспектисинде жайгашкан дүкөндөрдүн бирине терезенин тосмосун бузуп кирип, жалпы суммасы 5 миллион сомду түзгөн 6 ноутбук, ар кандай түрдөгү 64 уюлдук телефондорду уурдап кетишкени айтылган.
Аталган факты боюнча Кылмыш-жаза кодексинин 205-беренесине (уурдоо) ылайык кылмыш иши козголгон.
Сүрөт: Бишкек ШИИББдин маалымат кызматы
Сүрөт: Бишкек ШИИББдин маалымат кызматы
Сүрөт: Бишкек ШИИББдин маалымат кызматы
Кылмышка шектүү катары мурда бир нече жолу соттолгон 1976, 1996 жана 2002-жылы туулган шектүүлөр аныкталган. Козголгон кылмыш ишинин алкагында борбор калаадагы күрөөканалардан 5тен ашык уюлдук телефондор далил деп табылып, кылмыш ишине кошулган.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/14884
