Мухтар Аблязов Путиндин Рахмон менен жолугушуусуна кескин сын айтты
РФтин президенти Владимир Путин менен Тажикстандын башчысы Эмомали Рахмондун Улуу Жеңиш күнүнө арналган парадда жолугушуусу боюнча жеке пикирин Мухтар Аблязов Facebook'тагы баракчасына жазган.
"Путин тажиктер менен чыр-чатактын автору ал экенин кыргыздарга ачык эле айткандай болду", - дейт казакстандык оппозициячыл саясатчы.
Ал өзүнүн публикациясында Путин Кыргызстан менен Тажикстандын ортосундагы конфликт анын уруксаты менен болгонун жашырууга аракет да кылган жок, деп жазды.
"Путин ачык-айкын белги берип жатат - Кыргызстандагы демократиялык өзгөрүүлөр ага туура келбейт. Путин Орусия, Казакстан, Тажикстан, Түркмөнстан жана Өзбекстан сыяктуу авторитардык жана мафиялык режимди сактаган өлкөлөр менен гана дос болот", - дейт Аблязов.
Кызыл аянтта, Путин тажик президенти менен чогуу жүрүп, Тажикстан менен Кыргыз өлкөсүнүн чек арасындагы аскердик кагылышууну өзү уюштургандыгын ачык көрсөттү.
