Ош облусунда сел жүрдү: базарларда суу каптап, унаалар акты. ӨКМ айылдарды эвакуациялоодо
Бүгүн, 14-июлда Ош облусунда сел жүргөнүн окурмандар кабарлашты.
15:41
07/14/2024
Мады айылында унааны сел алып кетти
Мессенджерлерде тараган видеолордун биринде ылай агымдары унааны алып кетип жатканын көрүүгө болот. Кеп Мады айылы жөнүндө болуп жатат.
16:02
07/14/2024
Ошто базарларда сел жүрүп жатат
Оштун өзүндө "Түштүк-Чыгыш" тилкесинде суу агып, Төмөнкү базарды ("Паски базар" деп аташат) суу каптаган. Катталуучулар Ак-Буура дарыясынын видеосун да жөнөтүшүп, көпүрөлөрдүн бири бузулганын кабарлашууда.
16:22
07/14/2024
Ошто суу өчүрүлдү
Ошто суу өчүрүлгөнүн жергиликтүү тургундар да кабарлашты. Коммуналдык кызматтар муну расмий түрдө маалымат каражаттарына тастыктай элек.
16:32
07/14/2024
Өзгөчө кырдаалдар министрлиги бир нече айылдын аймагынан элди эвакуациялоодо.
Алдын ала маалымат боюнча саат 14:00 чамасында катуу жааган жамгырдын кесепетинен Төлөйкөн жана Бөрүбай-Ата айылдарында сел жүргөн. Бул тууралуу маалымат 112 кызматына келип түшкөн.
Өзгөчө кырдаалдар министрлигинин Ош шаардык башкармалыгынын куткаруучулары жеринде адамдарды эвакуациялоодо. Кошумчалай кетсек, окуя болгон жерге ӨКМдин башка бөлүмдөрүнөн 18 куткаруучу жана техникалар, жалпысынан 46 куткаруучу тартылган.
ӨКМ билдиргендей, Ош шаардык №12-куткаруу кызматынан 8 куткаруучу, №13-куткаруу кызматынан 10 куткаруучу, ошондой эле ӨКМдин ыкчам тобу бир унаасы менен тартылган.
16:43
07/14/2024
Ошондой эле, Ноокат районунда саат 13:30дар чамасында Ош - Баткен - Раззаков жолунун 57-чакырымында Көк-Жар айыл аймагынын Жийде айылында сел жүрүп, жол убактылуу жабылган.
16:53
07/14/2024
Ош шаарындагы жергиликтүү базарда бир кишини сел алып кетти
Видеону окурмандар жөнөтүшкөн. Кеп "Ак-Буура" соода борбору (Паски базары деп аталат). Жабырлануучу эмне болгону белгисиз.
16:55
07/14/2024
Буга чейин эс алуу жайынан 420 адам эвакуацияланган
Өзгөчө кырдаалдар министрлигинин саат 16:55ке берген маалыматы боюнча, сел алган Төлөйкөн жана Бөрүбай-Ата конуштарынын аймагынан 420 адам эвакуацияланган.
Өзгөчө кырдаалдар министрлигинин Ош шаардык башкармалыгынын куткаруучулары жеринде адамдарды эвакуациялоодо.
17:47
07/14/2024
Ош шаарынын борборунда сел жүрдү
Адамдар кийим-кече базарынын аймагындагы имараттардын чатырына чыгышат, ал жерде дагы турак-жайлар бар.
18:13
07/14/2024
Өзгөчө кырдаалдар министрлигинин басма сөз кызматы Ош шаарындагы борбордук базардагы соодагерлерди жана кардарларды эвакуацияланганын билдирди. Кадрларга караганда, суунун негизги агымы ал жерден өтүп кеткен. Анын күчүн артына калтырган кыйроолоруна жана оодарылып кеткен машиналарына карап баалоого болот.
18:42
07/14/2024
Өзгөчө кырдаалдар министрлигинин кызматкерлери министрдин орун басары Э.Кулматовдун жетекчилиги астында Кара-Суу районунун Мады айылында чалгындоо иштерин жүргүзүүдө. Алар сел суусу айылдын борборундагы базардын үстүнө чыкпаганын аныкташкан.
Жабыркаган аймактарга департаменттин кошумча күчтөрү тартылууда.
