Велосипеддин уурдалганы видеого түшүп калган. Жабырлануучулар жардам сурайт
Кечээ, 6-июнда, Бишкек шаарынын 6-кичи районундагы турак үйлөрдүн биринин кире беришинен велосипед уурдалды.
Үй ээлери Kaktus.media агенттигине билдиргендей, белгисиз адам саат 15:00 чамасында кара Format үлгүсүндөгү велосипедди балдар велосипединин отургучу менен кошо алып чыккан.
"Ууру видеобайкоочу камераларга түшүп калган, анын 9-кабаттан велосипед менен камырабастан түшүп баратканын көрүүгө болот. Велосипед рельске кабель менен бекитилген. Биз интернеттин күчүнө ишенебиз, жеткинчек аябай капа болду", - деп билдирди велосипед ээсинин бир тууганы.
Велосипед өспүрүм, 8-класстын окуучусуна таандык экендигин байкаган.
Кечээ жабырлануучулар Октябрьское РИИБине уурулук боюнча арыз жазышты. Ошондой эле алар шаар тургундарынан ууруну болжолдоп жаткан адамды аныктоого жардам берүүнү өтүнүшөт.
