Улукбек Марипов жубайы менен эл алдына алгачкы ирээт чыгышы. Сүрөт жана видео
Премьер-министр Улукбек Марипов жана анын жубайы Бишкектеги эмдөө пункттарынын биринде коронавирус инфекциясына каршы эмделди. Бул тууралуу министрлер кабинетинин басма сөз кызматы билдирди.
Улукбек Марипов пандемия менен күрөшүүдө массалык эмдөөнүн маанилүүлүгүн белгилеп, жарандарды эмделүүгө чакырды.
"Министрлер Кабинети жарандарды коронавируска каршы эмдөө менен камсыз кылуу боюнча бардык аракеттерди көрүүдө, бул вируска каршы коргонуунун эң натыйжалуу жана коопсуз ыкмасы. Жакынкы аралыкта биз эмдөөлөрдүн кошумча запастарын чет өлкөлүк өнөктөштөрдөн алууну пландап жатабыз. Учурда , кыргызстандыктарды эмдөөнүн деңгээлин жогорулатуу - министрлер кабинетинин артыкчылыктуу милдети ", - деди ал.
Премьер-министр ошондой эле медицина кызматкерлерине болуп көрбөгөндөй пандемияга каршы күрөшкө кошкон маанилүү салымы үчүн ыраазычылык билдирди.
Белгилей кетсек, бул Мариповдун жубайынын коомдук мейкиндикке биринчи жолу чыгышы.
