Бишкек, Ош жана Токмак шаарларында жымжырттык күнү белгиленди
"Жергиликтүү кеңештердин депутаттарын шайлоо жөнүндө" Мыйзамга ылайык, шайлоо алдындагы үгүт иштери бардык талапкерлер, талапкерлердин тизмеси үчүн каттоо мезгили аяктаган күндөн тартып башталат жана добуш берүү башталганга чейин 24 саат мурун, башкача айтканда, 10-июлда саат 8:00дөн баштап үгүт токтотулат.
Ошол эле учурда, шайлоо комиссияларынын имараттарынын жана жайларынын сыртында мурда басылып чыккан үгүт материалдары (баракчалар, плакаттар, жарнак такталары жана башка материалдар) добуш берүү күнү алардын баштапкы ордунда калат.
Ошондой эле, үгүт иштерине катышуу үчүн БШК тарабынан аккредитацияланган ЖМКлар жана онлайн басылмалар аны өткөрүүгө укуксуз.
Тынчтык күнүн шайлоо процессинин катышуучулары бузган учурда, БШК мыйзам бузуучуга чара көрүүгө укуктуу.
Бишкек, Ош жана Токмак шаардык кеңештеринин депутаттарын кайталап шайлоо эртең, 2021-жылдын 11-июлунда болот.
