Бишкекте оорулуу баласы бар аялды "кайрымдуулук фонду" алдап кетти
RU

Бишкекте оорулуу баласы бар аялды "кайрымдуулук фонду" алдап кетти

Все самое интересное в Telegram

Бишкек шаарынын тургуну Айнура Акматова Kaktus.media сайтына билдиргендей, ал белгисиз аялга ишенип, баласынын церебралдык шал оорусу менен ооругандыгын тастыктаган документтерин берген. Акматованын айтымында, анын уулунун бул документтери жана сүрөттөрү колдонулуп, адамдардан акча чогултулуп, акча өздөштүрүлүп жатат.

Анын айтымында, бир нече ай мурун ал таксиде Канышай аттуу аял менен кокустан таанышып калган.

"Балам экөөбүз укалоого бара жатканбыз. Аял кайрымдуулук фондунда иштээрин айтып, жардам сунуштады. Мен кандай фонд экенин сураган деле эмесмин", - деди Акматова.

Анын айтымында, алар телефон номурларын алмашышкан, бир нече күндөн кийин ошол эле Канышай жана анын үйүнө башка адамдар келишкен.

"Алар менин уулумду, анын ооруп калгандыгын тастыктаган бардык документтерди сүрөткө тартып, кетип калышты. Бир-эки күндөн кийин алар менин эсебиме 4000 сом которушту. Мен аябай кубандым. Андан кийин бир киши мага телефон чалып, Канышай алдамчы деп билдирди. Жетекчисинин айтымында жакында эле аны жумуштан алган. Мындан тышкары, ал аркылуу мага 16 миң сом которгон, мага 4 миң сом гана жеткен, бирок мен бул кишиге ачууланбайм, мен үчүн 4 миң сом - бул чоң жардам ", - деп түшүндүрдү аял.

Бир нече убакытка чейин ал Канышай менен байланышын үзгөн эмес. Андан кийин Канышай, Акматованын айтымында, жоголуп кеткен.

"Жакында эле баламдын сүрөттөрү шаардын дээрлик баарына илинип, шашылыш операция жасатуу керек, 35 миң доллар талап кылынат деген жазуу илингенин билдим. Бирок менин балама операциянын кереги жок. Ошол аялдын телефон номерлери өчүк экен. Анын бардыгын алдай берүүсүнөн корком.Мен муну коомчулукка жеткиргим келет ", - деди Акматова.

Ал белгилегендей, бул адамдар дагы бир жигитке жардам беребиз деп жүрөт, бирок анын туугандары кайрымдуулук иш-чараларынан эч нерсе алышпайт.

"Канышай батирди ижарага алууга жардам берем деп убада кылган, бирок чындыгында эч нерсе болгон жок", - деп сөзүн жыйынтыктады Айнура Акматова.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60(Бишкек)
url: https://kaktus.kg/2567