Биз бир видеого Ысык-Көлдөгү сел менен Жапаровдун эс алуусун камтыдык
Өткөн жума күнү, 30-июлда, нөшөрлөп жааган жамгырдын кесепетине Ысык-Көл облусунун тургундары туш болушту. Балыкчыда көпүрөнүн астындагы жолду суу каптады, Тоң районунда көпүрө бузулду, Жети-Өгү аймагында эс алуучу жайга баруучу жолду сел алып кетти. Ал арада Караколдо шаардын бир бөлүгүн, анын ичинде Бугу Эне зоопаркын суу каптап, жакында эле кайра курулган Ривер паркын сел алып кетти. Пристань-Пржевальск айылында жайгашкан шаардык пляжды да суу каптады.
Ал ортодо президент Садыр Жапаров болуп жаткан окуяларга эч кандай реакция кылган жок, бирок УКМКнын төрагасы Камчыбек Ташиев менен бирге эс алууга чыгып, салт боюнча эс алуучулар менен баарлашып, ал тургай скутерге минип да кетти.
Социалдык тармактар, албетте, буга реакция кылбай коё алышкан жок.
Мамлекет башчысы эс алып жаткан кезде адамдар кырсыктан кантип кутулуп жатканын караңыз:
