Бүгүн Айсулуу Тыныбекова алтын үчүн күч сынашат. Анын атаандашы ким?
RU

Бүгүн Айсулуу Тыныбекова алтын үчүн күч сынашат. Анын атаандашы ким?

Все самое интересное в Telegram

Кыргызстандык Айсулуу Тыныбекова бүгүн, 4 -августта Токиодогу Олимпиада оюндарында алтын үчүн күч сынашат.

Биздин спортчу кыз 62 килограммга чейинки салмакта кыз -келиндер күрөшүндө күч сынашат. Ал биринчи жеңишти латвиялык Анастасия Григорьеваны, экинчисин - румыниялык Криста Тунде Инченин үстүнөн багындырган.

Жарым финалда анын атаандашы украиналык Ирина Коляденко болду. Таймашта ишенимдүү түрдө үстөмдүк кылган Тыныбекова 10 упай топтоп, мөөнөтүнөн мурда жеңип алды.

Финалда биздин спортчу Юкако Кавай менен беттешет. Япониялык спортчу 1997 -жылы туулган. 2014 -жылы кадеттер арасындагы дүйнө чемпионатында коло медалга ээ болгон. 2018 -жылы Дүйнө чемпиондугунда күмүш медалга ээ болгон. 2019-жылы Казакстанда Олимпиадага чейинки дүйнө чемпионатында 62 кг салмакта Юкако коло медалга ээ болуп, Токиодогу Оюндарга олимпиадалык лицензия алган. 2020 -жылы ал Азия чемпиону болгон.

Белгилей кетсек, Тыныбекова менен Юкако Кавай буга чейин килемде жолугушкан. Бул 2019-жылы Нур-Султан шаарында болгон. Анда биздин спортчу 1/8 финалда япон аялды тушеге баскан.

Бирок 2020 -жылы дүйнө чемпионатында Тыныбекова Юкако Кавайга 6: 1 эсебинде утулуп калган.

Алардын акыркы беттеши бүгүн Бишкек убактысы боюнча саат 17: 55те болот.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60(Бишкек)
url: https://kaktus.kg/2888