Бишкектеги үйлөрүнүн биринен 50 миң доллар уурдаган кылмыштуу топ кармалды
RU

Бишкектеги үйлөрүнүн биринен 50 миң доллар уурдаган кылмыштуу топ кармалды

Все самое интересное в Telegram

"Көк-Жар" конушунда жайгашкан жеке үйлөрдүн биринде, 2-августтан 3-августка караган түнү белгисиз адамдардын тобу 50 600 долларды уурдап кетишкен. Бул тууралуу Октябрь райондук ички иштер башкармалыгынын басма сөз кызматы кабарлады.

Октябрь РИИБдин криминалдык милиция кызматы шаардын аймагында уурулук менен алектенгендер тууралуу маалымат алышты. Болжолдуу түрдө, дал ушул адамдардын тобу "Көк-Жардагы" жеке үйдөн ири суммадагы акчаны уурдап кетишкен.

Бул иш боюнча Кылмыш-жаза кодексинин "Уурдоо" беренесинин негизинде сотко чейинки иши башталды.

Тергөө жана издөө иш-чараларынын комплекси жүргүзүлүүдө. Октябрь РИИБнин оперативдүү кызматкерлери борбор калаанын аймагында кармалган кылмышкерлердин иштерин изилдөөгө алды. Бул тууралуу Ички иштер башкармалыгы билдирди.

Шектүүлөр 1999-жылы туулган С.Б, 2003-жылы туулган С.Б, 1998-жылы туулган Э.А., 1999-жылы туулган К.Б. аттуу жарандар болуп чыкты. Алар тергөө кызматына жеткирилип, андан соң Бишкек шаардык ички иштер башкы башкармалыгынын ИИБсине киргизилген.

Учурда шектүүлөрдүн башка кылмыш фактыларына тиешеси бар экендигин аныктоо үчүн кошумча тергөө аракеттери жана ыкчам чаралар улантылууда.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60(Бишкек)
url: https://kaktus.kg/3371