Атанын жолу менен. Кайсы саясатчынын баласы саясатта белгилүү?
RU

Атанын жолу менен. Кайсы саясатчынын баласы саясатта белгилүү?

Все самое интересное в Telegram

7-сентябрда президент Садыр Жапаровдун уулу Рустам өзүнүн саясий платформасын түзүү менен шайлоодо өз күчүн сынап көрүүнү көздөп жатканы тууралуу маалымат жарыяланган.

Буга дароо президенттик администрация реакция кылды. Басма сөз катчы Эрбол Султанбаев маалыматты төгүндөдү.

Мамлекет башчысы эң жакын туугандарынын бирине да саясий процесстерге кийлигишүүсүнө, ошондой эле мамлекеттик жогорку кызматтарды ээлешине жол бербейт.

Kaktus.media ата-энесинин жолун жолдоого аракет кылган атактуу саясатчылардын балдарын жана алардын саясатка келүүсү кандай натыйжа бергенин эстөөнү чечти.

Бермет жана Айдар Акаевдер

Биринчи президенттин балдарынын саясатка баруу аракети элдин сабырын түгөткөн.

Айдар

Акаевдин тун уулунун коомдук жашоосу активдүү болчу. Анын түнкү клубдардагы жана ресторандардагы жоруктары коомчулукта талкууга алынган. Айдар Нурсултан Назарбаевдин кичүү кызы (ошол кезде Казакстандын президенти) - Алияга үйлөнгөн. Бирок, алар тез эле ажырашып кетишкен.

Ал эмгек жолун 23 жашында бизнесмен катары Кыргыз Республикасындагы Казкоммерцбанктын өкүлчүлүгүн жетектеп баштаган. 2001-жылы Каржы министринин кеңешчиси болуп дайындалган. Кошумчалай кетсек, Айдар Акаев "Бител" уюлдук компаниясынын негиздөөчүлөрүнүн бири болгон.

Ал өзүнүн жүрүм-турумун мындайча түшүндүргөн:

Мен КМШ өлкөлөрүнүн баарында ушундай. Бардык жерде лидерлердин туугандары колунан келишинче бизнес кылып жатышат. Бул нормалдуу көрүнүш. Бирок өлкөнүн экономикасына зыяндуубу же жокпу, бул башка маселе.

Бул макаланын алкагында биз Айдар Акаевдин экономикага тийгизген зыянын айтпайбыз. Белгилей кетсек, ал бир нече рейдердик текшерүүдө кармалган.

Айдар Акаев Улуттук олимпиада комитетинин башчысы да болгон.

Бирок анын саясатка кийлигишүүсүнүн туу чокусу Жогорку Кеңештин шайлоосуна катышкандыгы болду. "Алга, Кыргызстан!" партиясына Акаевдин эки баласы Айдар менен Бермет кошулган.

Бул "мураскер" операциясына байланыштуу эле, анткени ошол учурда Акаевдин ордуна ким келе тургандыгы белгисиз болчу.

Экөө тең 2005-жылы ЖКга барышкан, бирок парламенттин сессиясына бир гана жолу 20-мартта катышышты. Андан кийин революция болду.

Айдар Акаев 2020-жылы каза болгон. Расмий версия боюнча жүрөк оорусунан.

Бермет

Бермет Акаева мыкты билим алган. Ал Москвада, Лозаннада окуп, Женевада БУУнун Компенсациялык Комиссиясында юридикалык жардамчы болуп иштеген. 2000-жылы Кыргызстанга көчүп келип, бизнес менен алектенген.

2005-жылы Бишкектеги шайлоодо жеңип чыккан Бермет 24-марттагы окуядан кийин өлкөдөн чыгып кеткен. Бирок ошол жылдын 14-апрелинде парламентке кайра кайтып келген. Аны жүздөн ашуун демонстранттар тосуп алып, өлкөдөгү чыңалууну күчөттү деп айыптап, 16-майда мандаты жокко чыгарылган.

Бермет Акаева 2007-жылы Кеминдеги кезексиз шайлоодо мандатка ээ болуп, кайра саясатка кайтуу аракетин жасаган. Бирок, ал дагы жокко чыгарылган.

Бермет Акаева Адил Тойгонбаевге турмушка чыккан. Революциядан кийин алар өлкөдөн чыгып кетишкен. Көп өтпөй бир катар мамлекеттик объекттерди мыйзамсыз менчиктештирүү, алдамчылык жана коррупция боюнча айыпталып, эл аралык издөөдө жүргөн. Тойгонбаев сырттан 20 жылга эркинен ажыратылды.

Максим Бакиев

Кийинки президенттин уулу Курманбек Бакиевдин уулу Максим да мурункулардын жолун жолдогон.

Өлкөдөн качып кетер алдында Бакиев кыргыз элинин эсинде өтө негативдүү инсан катары калган.

Максим КРСУну бүтүргөн. Ал эми 2005-жылы Россия Федерациясынын Тышкы иштер министрлигинин Дипломатиялык академиясына кирген. Бирок, сабакка келбегендиги үчүн окуудан чыгарылып, "Интерправо" жеке юридикалык фирмасында ишке кирген. Андан сырткары, британиялык BCB Solution Limited холдингинин башкармалыгынын консультативдик кеңешинин мүчөсү болуп дайындалган.

2005-жылдан тартып эл аралык консультант, стратегиялык пландоо, геоэкономика, маркетинг, сапатты башкаруунун логистикасы, укуктук жана финансылык маселелер боюнча эксперт деп эсептелген.

2009-жылкы президенттик шайлоо өнөктүгүндө атасынын расмий эмес штаб башчысы болгон. Ал ошондой эле КРнын күрөш федерациясын жетектечү.

2009-жылдын 29-октябрынан 2010-жылдын апрелиндеги төңкөрүшкө чейин Өнүктүрүү, инвестиция жана инновация боюнча борбордук агенттиктин (ЦАРИИ) директору кызматын аркалады.

Максим үчүн гана бул уюм түзүлүп Конституция өзгөртүлгөн. Президент бийликти өткөрүп бергенден кийин, спикер, премьер-министр жана ЦАРИИнин башчысы кирген президенттик конференциянын мүчөлөрү өлкөнү убактылуу башкара алат деп божомолдонгон. Ошентип, өлкө жетекчилигин Максим Бакиевге өткөрүп берүү пландаштырылган.

Бизнес

Максим Бакиев, банкир Валерий Белоконь менен бирге, Латвияда Maval Aktivi инвестициялык фирмасына ээлик кылган. Андан башка Россияда, Казакстанда, Түштүк Америкада, Украинада жада калса Африкада тоо-кен өнөр жайы, банк иши, мунай, газ жана кыймылсыз мүлк менен байланышкан көптөгөн долбоорлорду аткарган. Ал Латвияда Who is Who басмаканасына, Kimmels Riga пиво заводуна жана Блэкпул футбол клубуна ээлик кылат.

Максимге чалуу үчүн байланыш акысын 60 тыйынга көтөрү, электр жана жылуулукка тарифтерди жогорулатуу боюнча айып тагылган.

2006-жылдын күзүндө оппозиция Бакиевдин отставкасын талап кылып, мамлекет башчысынын балдарын мамлекеттик мүлктү мыйзамсыз менчиктештирүү боюнча айыпташкан:

  • Бител,
  • КООРТ,
  • цемент жана шифер заводу;
  • "Шампан вино комбинаты".

Стратегиялык мамлекеттик ишканаларды менчиктештирүү маселеси көтөрүлүп, акциялардын пакеттерин Максим Бакиевдин эң жакын бизнес өнөктөшү Евгений Гуревич сатып алган.

Расмий эмес атасынын мураскору деп эсептелген Максим Бакиев сырттан бир нече мөөнөткө (ар кандай учурларда), анын ичинде өмүр бою эркинен ажыратылган. Ырасталган айыптоолорго операцияларды мажбурлоо, акчаны адалдоо, опузалап талап кылуу жана каражаттарды алуу кирет.

Кадыр жана Сеид Атамбаевдер

Экс-президент Алмазбек Атамбаевдин ар башка никесинен уулдары Атамбаев өлкөнү башкарып турган кезде саясатка такыр кийлигишкен жок. Алар Атамбаев камакка алынгандан кийин гана активдүү түрдө оппозицияда экенин көрсөтүштү.

Кадыр Атамбаев 2021-жылы Социал-демократтар партиясынан Бишкек шаардык кеңешине депутат болуп, 1-тизмеде болгон. Анын бир тууганы Сеид партиянын лидери жана 2020-жылы ЖКнын шайлоосунда өз күчүн сынап көргөн.

Андан кийин партия ЖК шайлоосуна барган жок. Сеид Атамбаев быйыл дагы шайлоого катышары күтүлүүдө.

Тай-Мурас жана Темирлан Ташиевдер

УКМКнын башчысы жана белгилүү саясатчы Камчыбек Ташиевдин уулдары да саясатта өз ордун табууга аракет кылып жатышат.

Тай-Мурас Ташиев Жалал-Абад шаардык кеңешине болгон шайлоодо "Ата-Журт Кыргызстан" партиясынан талапкер болгон. Ошол эле учурда ал Thomas & Co фирмасынын директорунун орун басары.

Жокко чыгарылган парламенттик шайлоодо ал "Мекенчил" партиясынын ишенимдүү адамы болгон.

2016-жылдан 2020-жылдагы шайлоо өнөктүгүнүн башына чейин Ата-Журт партиясынан Барпы айыл өкмөтүнүн депутаты болуп иштеген. Ошондой эле 2017-жылы Ата-Журттан Жалал-Абад шаардык кеңешинин депутаттыгына талапкер болгон.

Камчыбек Ташиевдин дагы бир уулу - Темирлан кылмыш иштери отчетунда аты аталган.

2013-жылы ал машиналардын дөңгөлөктөрүн уурдоого катышкан деген айып менен камакка алынган. Кийинчерээк доонун мөөнөтүнүн бүтүшүнө байланыштуу кылмыш иши жабылган. Жабырлануучу тараптын айыпталуучуга эч кандай дооматы жоктугуна байланыштуу иш токтотулган.

Исхак Масалиев

Кыргыз ССР Жогорку Советинин Председатели Абсамат Масалиевдин уулу Исхак чоң тажрыйбасы бар саясатчы. Исхак Масалиев атасы өлкө башкарып турганда 2000-жылга чейин ички иштер органдарында жана башка органдарда иштеген.

Ал ошондой эле Кыргызстан Компартиясынын туруктуу лидери болуп эсептелет.

Саясий жолун 2000-жылы баштап, төрт чакырылыштын депутаты болгон. Ар кандай мамлекеттик структураларда жооптуу кызматтарды аркалаган.

Исхак Масалиев оппозициянын көз карашын карманып, кайра шайлоого катышууну пландап жатат.

Улукбек Марипов

Дарыгердин жана ЖКнын депутаты Асамидин Мариповдун уулу. Эмгек жолунун башталышынан тартып, чоң мамлекеттик кызматтарда болбосо да, саясатка аралашкан. Марипов көптөгөн президенттердин тушунда ийгиликтүү болгон. Мисалы Акаевдин тушунда ал саясий аренага гана чыкса, Бакиевдин учурунда президенттик администрацияда жана аппаратта иштеген.

.

Ошондой эле дээрлик беш жыл бою Алмазбек Атамбаевдин жеке жардамчысы болгон. Анан анын кызмат орду көтөрүлдү.

Эсеп палатасынын башчылыгында дээрлик 5 жыл иштеген. Андан соң, премьер-министр болуп шайланды.

Элмира Ибраимова

Кыргызстандын биринчи премьер-министри Султан Ибраимовдун кызы. Элмира Султановна ишин экономист катары баштаган. Кийин комсомолдук ишке өткөн. Андан соң эл аралык долбоорлордо иштеп, Эсеп палатасына кирген. 2007-2008-жылдары ЖКнын депутаты, кийинчерээк вице-премьер-министр болуп иштеген. Кийинчерээк оппозицияга өттү. 2012-2016-жылдары Эсеп палатасынын жетектеди. Атайын жана Ыйгарым укуктуу Элчи даражасына ээ.

Саясатта 2017-жылдагы шайлоодо Темир Сариевдин партиялык штабында башчы болсо, кийин Өмүрбек Бабановду колдоду.

Куванычбек Конгантиев

Жалпысынан алганда, анын бир нече белгилүү туугандары бар. Атасы - Камбаралы - башкы прокурор. 2005-жылы Жогорку Кеңештин депутаты болгон. Учурда пенсионер. Байкеси - Молдомуса Конгантиев - Ички иштер министрлигинин мурдагы башчысы (Курманбек Бакиевдин тушунда). Куванычбек өзү 2020-жылдагы шайлоого "Биримдик" партиясынын тизмесинде 49чу номер менен барган. Ал БГКнын эң активдүү депутаттарынын бири деп эсептелинет. Эми ал Бишкек шаардык кеңешинин спикери болду. Куванычбек биринчи олуттуу маселени чечүүдөн баш тарткан.

Үч жогорку билимге ээ. 2009-жылы Дене тарбия жана спорт боюнча мамлекеттик агенттиктин директорунун орун басары, 2010-2011-жылдары - Кыргыз Республикасынын Улуттук олимпиада комитетинин биринчи вице-президенти болду.

Эльвира Сурабалдиева

ЖК депутаты маркум Жыргалбек Сурабалдиевдин кызы. Ал КГУда жана Бристоль университетинде окуган. Социалдык фонддо иштеп, андан кийин Кудайберген базарын жетектеп, 2015-жылы ЖКнын депутаты болгон.

2020-жылы өкмөттө вице-премьер-министр болуп иштеген. Бирок кадрдык өзгөрүүлөрдөн кийин Сурабалдиеванын кызматы жоюлган.

Айсулуу Мамашова

ЖКнын азыркы депутаты Турусбек Мамашовдун кызы. Атасы Туризмди өнүктүрүү боюнча мамлекеттик агенттиктин башчысы болчу. Үй-бүлөлүү, бир нече бизнеске ээ, анын ичинде Dasmia комплекси.

Ошондой эле Аалы Карашевди, Равшан Жээнбековду, Акылбек Жамангуловду, Марлен Маматалиевди, Бакыт Төрөбаевди, Жумабек Салымбековду жана башкаларды эске салсак болот.

Бул чөйрөдөгү белгилүү саясатчылардын дагы кайсы балдарын билесиз? Бул тууралуу комментарийге жазыңыз.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60(Бишкек)
url: https://kaktus.kg/3484