Прокурордун орун басары акча опузалоого шектелип камакка алынды

Бишкектеги Октябрь районунун прокурорунун орун басары Алтынбек Айдаров акча опузалады деген шек менен кармалды. Бул тууралуу Kaktus.media редакциясына күч структураларынын кызматкерлери билдиришти.

Алардын айтымында, кечээ, 17-ноябрда түнкүсүн, УКМКнын кызматкерлери Бишкектеги Октябрь районунун прокурорунун орун басары Алтынбек Эркинбекович Айдаровду камакка алышкан.

Ал акча опузалады деген шек менен камакка алынды. Алдын ала маалымат боюнча 160 миң сом доолаган.

Белгилей кетсек, 2021-жылдын январь айында Бишкектин эки тургуну Октябрь районунун прокурорунун орун басары Алтынбек Айдаровдун иш аракетине арызданышкан. Алардын айтымында, ал алдамчылыкка шектелгенге жазадан жардам берүүгө жардам берип, аны жактап сот отурумуна да келип турчу.