Садыр Жапаров министрге жана эки жетекчиге сөгүш жарыялады
RU

Садыр Жапаров министрге жана эки жетекчиге сөгүш жарыялады

Все самое интересное в Telegram

Президент Садыр Жапаров Коопсуздук кеңешинин жыйынында үч аткаминерге сөгүш жарыялады: Чүй облусундагы ыйгарым укуктуу өкүлү Эркин Тентишевге, айыл чарба министри Аскарбек Жаныбековго жана Суу чарба мамлекеттик агенттигинин директору Алмазбек Сокеевге.

Мамлекет башчынын айтымында, алар жаз-жай айларында Чүй облусунун сугат жерлерин талаптагыдай сугарууну камсыз кылган эмес. Дыйкандар бул тууралуу айтып баштаганда эле дүрбөлөңгө түшүшкөн.

"Кийинки сугат мезгилине азыртан даярдануу керек. Көп учурда каналдардан суу тартылып, келбей калат", - деди Жапаров.

Ал ошондой эле министрлер кабинетинин төрагасы Акылбек Жапаровдон Кемин районуна келерки жылы канал курулабы деген суроо узатты.

"Курулуш 1-мартта башталат. Ага 23 миллион доллар каралган", - деди министрлер кабинетинин башчысы.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60(Бишкек)
url: https://kaktus.kg/4497