Токаев: Казакстандагы нааразылык акцияларынын артында демөөрчүлүк кылган кутумчулар турат
RU

Токаев: Казакстандагы нааразылык акцияларынын артында демөөрчүлүк кылган кутумчулар турат

Все самое интересное в Telegram

Президент Касым-Жомарт Токаев Казакстан элине дагы бир кайрылуу жасады:

"Президент катары мен жарандарыбыздын коопсуздугун жана бейпилдигин коргоого, Казакстандын бүтүндүгү үчүн тынчсызданууга милдеттүүмүн. Мен кабыл алган чаралар көп улуттуу Казакстандын жыргалчылыгына багытталган. Бирок бул чаралар дагы эле жетишсиз. Башаламандыктын жогорку деңгээлде уюштуруулгандыгы көңүлдү бурат. Каржылык жактан кызыкдар болгон кутумчулардын кылдаттык менен пландалган аракеттерин көрсөтүп турат. Ошондуктан, мамлекет башчысы катары жана бүгүнтөн баштап Коопсуздук кеңешинин төрагасы катары да мүмкүн болушунча катаал аракет кылууга аракет кылам. Бул өз өмүрүн жана жакындарынын өмүрүн коргоо үчүн мага көптөгөн өтүнүч менен кайрылган жарандарыбыздын коопсуздугу үчүн жасалат. Эл мени колдойт деп ишенем. Эмнеси болсо да борбордо болом. Эл менен бирге болуу менин конституциялык милдетим. Казакстандын тарыхындагы бул кара тилкени бирге жеңебиз. Андан чогуу чыгалы. Жакында мен Казакстандын саясий трансформациясы боюнча жаңы сунуштар менен чыгам. Мен ырааттуу реформалардын позициясында кала берем",- деп сөзүн жыйынтыктады президент.

Эске сала кетсек, Казакстанда бир нече күндөн бери массалык нааразылык акциялары уланууда. Казакстандын батышындагы Мангистау облусунун Жаңы-Өзөн шаарында жекшембиде суюлтулган газдын кымбатташына каршы башталган митингдер өлкө боюнча нааразылык акцияларына чейин жетти. Президент Алматы, Нур-Султан жана Мангистау облустарында 19-январга чейин өзгөчө кырдаал режимин киргизди. Өкмөт отставкага кетти. Ошого карабастан өлкө боюнча нааразылык акциялары уланууда. Азырынча эң олуттуу жоготуулар жана кагылышуулар Алматыда болууда.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60(Бишкек)
url: https://kaktus.kg/5053