Медет Садыркуловдун кызы Айжан Эсеп палатасын жетектейт
Тиешелүү жарлыкка президент Садыр Жапаров 3-февралда кол койгон.
Буга чейин аталган палатаны Улукбек Марипов башкарып келген.
Садыркулова Эсеп палатасындагы аудитордук ыйгарым укуктары аяктаганга чейин жетекчинин милдетин аткарат. Ал 2016-жылдын апрель айында беш жылдык мөөнөткө аудитор болуп дайындалган.
Айжан Садыркулова - 2009-жылы киши колдуу болгон Медет Садыркуловдун кызы. Атасы президенттин администрациясынын жетекчиси болгон.
Садыркулова Айжан Медетовна 1979-жылы 15-апрелде Бишкек шаарында туулган.
2001-жылы Кыргыз-Орус Славян Университетин юриспруденция багыты боюнча аяктаган. Кыргыз, орус, англис тилдеринде эркин сүйлөйт.
Эмгек жолу:
2001-2004-ылдары - "Партнер" юридикалык фирмасы, адвокаттын жардамчысы
2004-2016-жылдары - Улуттук банкы, Юрист, юридикалык бөлүмдүн башчысы, юридикалык башкармалыктын жетекчиси, башкармалыктын мүчөсү
2016-жылдан ушул убакка чейин - КР Эсептөө палатасы, Аудитор.
