Бишкекте изделип жаткан кыз Ысык-Көлдөн табылды
Бишкекте дайынсыз болуп изделип жаткан 15 жаштагы Адина Райканова Ысык-Көлдөн табылды. Ал дээрлик бир аптадан бери дайынсыз болуп изделип жатканын Биринчи Май РИИБдин маалымат кызматы кабарлады.
Өспүрүм кыз 18-июлда саат 17:00 чамасында Мурас-Ордо конушундагы үйүнөн чыгып кеткен бойдон кайра кайтып келген эмес. Мындан улам жакындары милицияга кайрылган.
Издөө иштеринин жүрүшүндө инспекторлор кызды аман-эсен таап, жакындарына өткөрүштү. Ошондой эле профилактикалык түшүндүрүү иштери жүргүзүлдү.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/7622
