Бишкекте 14 кабаттуу имараттан чыккан өрт өчүрүлдү
Бишкекте курулушу бүтө элек көп кабаттуу үйдөн чыккан өрт толугу менен өчүрүлдү. Өзгөчө кырдаалдар министрлиги жабыркагандар жок экенин кабаралды.
Маалым болгондой, Манас кең көчөсү менен М.Рыскулов көчөсүнүн кесилишинде 14 кабаттуу турак үйдөн чыккан өрт саат 21:44тө чектөөгө алынып, саат 23:45те толук өчүрүлдү.
Курулушу бүтө элек көп кабаттуу үйдөн чыккан өрттү өчүрүүгө 45 куткаручуу, өрт өчүрүүчү 7 бөлүм тартылды. 14-кабатта курулуш материалдары күйгөн, учурда келтирилген зыянды тактоо иштери улантылып жатат.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/7744
