Үрөй учурган видео. Эки унаа кагышып, бири беш кишини коюп кеткен

Бишкек шаарындагы, Патрис Лумумба көчөсүндө Honda Fit автоунаасы BMW менен кагышкандан кийин BMW кайра беш кишини сүзүп кеткен. Бул туурасында Кайгуул милиция кызматынын башкармалыгынан кабарлашты.

Жабырлануучунун үчөө кайра жандандыруу бөлүмүнө түшкөн. Учурда кырсыктын чоо-жайы териштирилип жатканын айтышты.

Бул окуя боюнча видеону блогер Эртай Искаков өзүнүн социалдык баракчасына жарыялаган.