Митингге келген аял ыйлап: Ташиевге эмнеге сыйлык ыйгарылды, жоопкерчилик ала алабы. Видео
Ак үйдүн астына чыккан митингчилердин бири Камчыбек Ташиевге сыйлык тапшырылганына нааразы болду.
"Кайсы бетиңер менен "Баатыр" деген наамды алып жатасыңар. Баткендеги чек араны, элимди, жеримди коргойм дегендерге бергиле. Туугандарыбыздын өлүк-тиригин билбей отурабыз баарынын телефондору өчүк. Айыл курчоого алынган, үйлөр өрттөнүп жатат. Аларды ким калыбына келтирип, кайра ким аларды бутка тургузат. Жоопкерчиликти ким мойнуна алат? Чек арага барып жашап көргүлөчү", - деди ал.
Белгилей кетсек,чек ара жаңжалынан улам кыргызстандык 42 жаран жаракат алды. Анын берөө Бишкекке жиберилди.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/8421
